爆粗代表開心: 【群星粗口歌】志偉主動嗌嘉賓室內煲煙
今日本報報道話，喺迪士尼樂園酒店搞60大壽嘅志偉，同一班friend越夜越放肆，又煲煙又爆粗。提到呢件事，志偉話「人需要抒發」，又死撐話「如果唔講（粗口）就代表唔開心。」
▲志偉覺得唱歌爆粗係抒發嘅表現。(Powered by Samsung Galaxy Camera)
講到最經典一part、用粗口鬧佘詩曼，志偉就笑住話：「嗰個係rap嚟，除咗農夫，普通市民都識rap。」志偉仲自爆係等陳寶珠離開之後先開始飲酒；亦承認當時都見到有人室內食煙，但因外面有記者等緊，志偉先至叫佢哋唔好出去食：「唔好破壞迪士尼形象，最好就唔食，所以有小朋友在場嘅時候，係冇人食，後來走晒，先有人忍唔住食。」而有份出席派對嘅樂易玲，今日返到電視城嗰陣，就否認當時喺場內食煙囉。（蘋果日報）
爆粗代表開心 原文: 【群星粗口歌】志偉主動嗌嘉賓室內煲煙
